يوميات في غابة مانجو
المشهد الأول : منذ ان كان في السادسة من عمر يوم الأحد لم يكن يتوقع ان هناك واحد منهم لم يكن يعرف أيهما الذي فعل ذلك أو ذاك ولكنه أيقن انه لم يكن يقصد حين رمى بها في النهر .. وإنهار كل شئ في لحظة, و في يومه الثاني أخذ في النوم الأفريقي وبعدها استفاق على بكاء أحدب في مراجيح مزرعته المزروعة بالمانجو, وأخذ يخمن ويخمن هل في إستطاعة الشخص المظلوم ان يقول الباطل وكأنه في قفص الإتهام..سؤال طرح نفسه بالفعل,
أحدب في مراجيح المانجو
المشهد الثاني : اخذَت في التأرجح يميناً و يساراً حتى بدأت السرعة في الإنخفاض بالتدريج و هو جالس على قالب طوب لبن يقرقض في جذور الأناناس و من ثم سحب بندقيته البدائية و صوب..... و لكن سرعان ما تجمهرت عليه الحيوانات المنقرض منها و الأليف و تجاوز الأزمة عندما رآه ذاك الأحدب القوي البنية وفاجأه بقبضة هلالية ....
كانت الصدمة بعيدة كل البعد عن مكان هذه الأحداث. اما الأحدب فكان متخذاً مرجعيته الكاذبة من كتاب والده الذي نتشهُ من جيب ذلك الرجل الآسيوي المسن البدين .
اما عن قصة ذلك الآسيوي البدين فله معنا قصة أخرى نعرضها في التدوينة القادمة....
يا جماعة أرجو إنكم تلتمسوا لي العذر في ركاكة بعض الجمل، دي محاولة أولى للكتابة، يعني تقدروا تقولوا أني لسه "أحبو" في عالم التدوين، فأنا مجرد "مدوين" -تصغير مدون – فأرجو أن تتقبلوا هذه التدوينة المتواضعة بصدر واسع ورحب.. وياريت تعليقاتكم ما تبقاش قاسية عليا.. لأني فعلاً محتاج تعليقات تدفعني للأمام.
This entry was posted
on Sunday, July 15, 2007 at 1:56 AM.
You can skip to the end and leave a response.
18 Comments:
بس كل دا مش مهم المهم انك تحاول واكيد كل مرة هيكون افضل من ايللي قبلها وربنا يوفقك
تحفة يا باشا اتحفنا بالتالي
ده كلام كبير جدا وعاوز عقول ودماغ غير بشرية لفهمها
مبروووووك
تحفة يا باشا اتحفنا بالتالي
ده كلام كبير جدا وعاوز عقول ودماغ غير بشرية لفهمها
مبروووووك
هوه مين اللي معاه المانجه ؟ و مين الاحدب ابن ال....... ؟ و مين اللي اللي بيشرب شيشه ده ؟ طب مايجيب نفس . الشيشه مداوله مش مقاوله؟
هي التدوينه رائعه بس ناقصه السياق الكلمي للانسياب المعرفي لثقافة المانجه
نهارك قشطه !!!
انصحك يا معتصم تكمل ولكن لابد أن تبعد عن السطحية الجافة (والرطبة أيضا) ولا تنجرف - بشكل أو بأخرى - مع السياق العام للتبريكات الأبوية المتوسطة.
وعموما انا سعيد بظهورك أون لاين
أنا دايماًَ مقتنع إن الإنسان لازم يكون بيعرف في كذا حاجة مع بعض، بس أنا يا محمد ليا عتاب عليك، المفروض إن الواحد برضه لما يدخل على مجال جديد يسأل أهل الشأن أو على الأقل يستشيرهم..
أنا ليا تعليق على قصة الأحدب، حاسس إنها بس محتاجة حبكة أقوى من كده، ومحتاجة إنها بس تكون مترابطة أقوى من كده لأن حصل التباس بين قصة الأحدب وبين قصة أحدب "نترودام"..
أنا تخيلت إني هاخش اقرا تعريب أو تمصير للقصة لكن حسيت بعد ما خلصت إنك عملت زي اللعيب اللي فكر تفكيرين لا هو شاط ولا هو رفع فالكورة طلعت أوت.. فلا منك عربت أو مصرت القصة ولا منك كتبت قصة جديدة..
بس عزائي الوحيد إنك اجتهدت وكتبت وطلعت ثمرة جميلة لمجهوداتك.. شكراً يا محمد
اولا الف مبروووووك على المدونة
وبصراحة التدوين فرصة حلوة ان الواحد يعرفك اكتر واكتر
رغم ان كل اللي اعرفه عنك انك طيب وجدع ودول صفتين قلوا في الزمن اللي عايشين فيه
المدونة في الاساس تعبير عن نفسك وافكارك
اكتب اللي عاوز تكتبه ومتفكرش الناس هاتقول ايه المهم عبر عن نفسك كويس
اخوك
مجاهد شرارة
يالله تيك كير
أسمح لي إنك أكون قاسي معاك شوية.. يا أخي الكريم قل خيراً أو اصمت
يعني يا قطب يا إما تشجع الراجل يا إما تخرج من المدونة خالص لأن تعليقك أوفر أوفر أوفر..
ده كان ناقص إنك تشتمه شتيمة أبيحة.. عيب يا قطب العشرة والعيش والملح.. محمد برضه هو اللي استحملك في موضوعات الطيارات الورق والميراج والدبابات اللعبة.. وكلنا كنا بنشجعك لما كنت بتحاول تكتب موضوعات في عشرينات..
هل في حد قالك إن كتابتك تقيلة أو "ليه فيها زي ما ليك فيها"؟!!!
ما أقصده يا أخ قطب إنك المفروض نقبل "الآخر" بإيجابياته وسلبياته.. مش معقول تقبل محمد وهو بيلعب جيميز قصدي جيمز... ومش بتقبله لما يجتهد ويحاول يكتب..
شكراً قطب
فعلا مصر هيا بلد الابداع بس خلي بالك علي نفسك علشان كده انت يتخاف عليك ما انت عارف اي واحد مبدع يا بيكون في الحزب او بيهاجر بره مصر يا ................
وبهنيك وبباركلك علي المدونة العظيمة دى علي فكرة دى ببركة دعا الوالدين
ربنا معاااااااااااااااااااااك
بجد يا جماعة بعيداً عن كل التعليقات الهزار والتريقة اللي انتوا كاتبينها عن أخويا بس هو كان بقاله فترة كبيرة بيقوللي يا مريم أنا عايز أكتب وعايزك تسانديني وتقري اللي حكتبه لأن بقالك كتير في المجال ده
بصراحة يا جماعة أنا مكسوفة من نفسي جداً لأني ما وقفتش جنبه ولا شجعته بل بالعكس اتريقت عليه زي ما معظمكم عمل هنا للأسف وحسسته إنه مستحيل حيعرف يكتب
بجد يا محمد أنا بعتذرلك هنا قدام كل الناس وبقولك بجد الجزء ده حلو أوي كبداية ... بس فعلاً ممكن تعمل أحسن من كده
الجزء ده بجد عبر عن حاجات فعلاً مكنتش أعرفها عنك وعلشان حد يقراه ويفهمه صح لازم يكون عارفك بجد وعارف قد إيه أنت شخص حساس ورقيق وبجد عندك حس مرهف تجاه الكتابة وموهبة ظهرت قبل ميعادها .. في فعلاً موهبة بس محتاجة تستوي شوية ... محتاجة نضوج وتعمق أكتر
برافو يا محمد بجد أنا فخورة بيك وياريت تنزل الجزء التاني على طول
عبدالله الطحاوي
لكنى لأول مره اشاهدهم على الطبيعه
متلهف لقراءة الجزء التالى
مبروك دخولك عالم التدوين يا استاذ محمد
ربنا يكرمك ويوفقك وياريت تبطل تشتغلنى انت وجارك العزيز فاروق.
الواحد جه هنا صدفة .... "مش صدفة أوي" .. بس كده وكده ...
ولا يهمك ياعم ... كانوا كده برضه في يوم من الايام ..
تعرف ؟
حتي الواحد لما بيدخل عندكم في عشرينات ويعلق ... كده حلاوة رررررررررررررروح بس ...
نيايهاهاهاهاهاهاااهههه
وبعدين عايزين تتحكوا كلكم .. عندكم المكتب طول اليوم ... مش عشان المدونة ببلاش يعني حتفتحوها قعدة .... وشاي وعناب وبتاع .....
يالا سلام ............
مبروك يا افندم ... وعقبال كل تدوينة ...
وانا عاملة برضه بلوج جديد ادخل وقول رايك
Post a Comment